هليت من رجم الهوا عشرة دموع
... والريح تنثرها سحابه / سحابه
ذكرت قلي : انت مرغوب ممنوع
... و اقفى و خلاني على قدم بابه
من يومها وانا يغدي يومي اسبوع
... و صارت معالم خدي اشباه غابه
املك من الادموع يمكن كذا نوع
... الدمع لي / و حبر القلم للكتابه
وسجيت به غصبن عليه ماهو طوع
... و غنيت له موال قوس الربابه
يا صاحبي بي جوع وان كان ما اجوع
... و في كل ظلع اقنب قنيب الذيابه
اسمك ليا من مر قلبي له يفوع
... من شافني قال البلا في ثيابه !!
و اللي تسمى بك ونادوه الاربوع
... انسى معه حق الاهل و القرابه
يا اللي جفاك الطول وسطي ومربوع
... ما عليك من قال الحور فيك عابه
يكفي عن النظرات ما كان مرفوع
... صدرك شكى نفنوفك اللي رقابه
وبطنك به ابركته من الردف منزوع
... الظاهر انك عاملن له حسابه
وخصرك شوي يزوغ وشوين يروع
... ماهو بمتثيقل حموله / طرابه
مشيه ماهو غنج ودلع مشيه طبوع
... من شافها قال الهنا من هنابه
وجيدك كأنه من نسج ليل مصنوع
... لا طاح لمتونك علينا يتشابه
الحسن لو انه بقى منه قرطوع
... ما غيره اللي قد شربه و روابه
بحر الحسن غطى على كل ينبوع
... يمدي ايتوزع زينها لكل شابه
عليك بـ الله كان لي حق مشروع
... للي ارتضى عقبك عذابك عذابه
وان كان تبغيها بعد حبة الكوع
... لا اخلع يدي و احب كوعي ومابه