🌹 منتديات جسور التواصل 🌹 تجمع عربي للنقاش الجاد وتبادل المعارف والآراء

الشعر و الأدب العربي كل شبر بها الوسيعـه

samir_k
الانتساب : 22-04-2009
عدد المشاركات : 4,587
نظرت إليه طويلا فشعر بإحراج شديد , و اتهمها بقلة الحياء
خاطبها بقصيدة شديدة اللهجة ... لكن ماذا حدث في النهاية
تابعوا ...

كل شبر بها الوسيعـه ملـك ربـي تعلميـن
وأعلم إن اللي خلقني هو خلق لـك هالعيون

لكن أنتي من جلستي وأنتي فينـي تحدقيـن
كن ما به ناس غيري بهالكراسـي يجلسون

لو سمحتي عاد أسمعي وحتى لو ما تسمحين
المهـم اللـي بقولـه تسمعينه و يسمعـون

ع الأقل ليا نظرتك سـوي روحك تستحيـن
غضي طرفك مثل غيرك خوف ربعي يلمحون

الركادة عاد زينة والحياء فـي البنـت زيـن
وفيـك جازم لا ركـادة ولا حياءٍ يـذكـرون

تعرفيني ؟! أعرفك ؟! ما أذكر إنـا ملتقـيـن
لا أعرفك من تكوني و لا تعرفي مـن أكـون

واطمئني إن كان قصدك بس فينـي تشبهيـن
ما هـو أنـا إلي تعرفيـه والبشر يتشابهون

مـا دريتـي من التشابـه يخلق الله أربعين
وأعرف أربع يشبهنك بـس والله يستحـون

وإن كان قصدك شي ثاني عاد قولي وش تبيـن
خايف إنا نصير فرجة واللي ما شتروا يتفرجون

وإذا ببالك عاجبتنـي لا يحوشـك تحلميـن
صح ربعي من جمالك فيـك صـار يمدحون

بس وش لي في حلاتك دام فيهـا ترخصيـن
حشمة البنـت وحياهـا والكرامـة يلفتـون

ولو توفر فيك هـذا مـع حلاتـك تبشريـن
ما هو أنا ألف غيري بـاب بيتـك يطرقون

وش علامك رغم كل اللي أقولـه وتسكتيـن
مو طبيعي هالسكوت وهالبـرود وهالسكون

أنتي خرسـا أسألـك ولا منتي تسمعيـن؟؟
قالوا ربعي ذي كفيفـة قلـت لا لا تمزحون

لين شفتك يوم رحتـي يمسكونـك باليديـن
ما دريت إلا عيونـي أربـع أربـع يذرفـون

آه ياني منه مشهـد يـوم شفتـك ترحليـن
جيت أشوف عيون ربعي لقيت الكل يدمعـون
يالكفيفة يالعفيفـة إن قلـت آسـف تقبليـن؟؟
يغفر الله ذنوب عبده ليا خطا وهـل تغفرون؟؟؟؟

راقت لي ...

تاريخ هذه المشاركة : 15-12-2012
مواضيع samir_k في جسور التواصل

سراب
الانتساب : 14-04-2011
عدد المشاركات : 1,315
هههههههه ...
رائعة جدا .. تعابير متناسقة و جميلة
شكرا سمير على رقي الذوق
تاريخ هذه المشاركة : 16-12-2012
مواضيع سراب في جسور التواصل

أسرار الحب
الانتساب : 19-12-2013
عدد المشاركات : 8,349
سهيلة بن لشهب
الانتساب : 17-03-2013
عدد المشاركات : 2,823
تاريخ هذه المشاركة : 19-08-2018


الرسالة: