🌹 منتديات جسور التواصل 🌹 تجمع عربي للنقاش الجاد وتبادل المعارف والآراء

الشعر و الأدب العربي الشعر الملحون ... نتحدث معاك يا الدنيا ...

hasse2008
الانتساب : 27-05-2012
عدد المشاركات : 106
نتحدث معاك يا الدنيا


جاه ربي يا اللايم كف الملام قلب محروق و العذاب فناني

لو نعيدلك ما جرالي في بحر الغرام تنسى ملامك و تبكي في مكاني

رزقني ربي الوهاب بأميرة الريام هويتها و عملتها وردة في جناني

ذيك الوردة عطرت الجنان بالتمام معايا كانت فرحانة و أنا زهواني

بقينا زاهيين عام يتبع عام حتى الدنيا الغدارة غارت من عثماني

قالتلي تبقى زاهي هذا حرام لازم تنقهر وثاني يقوسوك محاني

قلتلها علاش عليك يا دنيت الأوهام تمنيت لو يجي نهار و همك ينساني

قالتلي لو يدوملك الفرح يا عبد السلام حتى غيرك يبقى في القرح يعاني

قلتلها أرحمي ضعفي راه هلكني التخمام أحرميني من كلش غير نور عياني

يا الدنيا هي تحبني هاذي ما فيها كلام سالي القمر يحكيلك على الأماني

تعاشرنا في الخفى و تهاوينا على الدوام تمنيت نهار قدومها نعرض جيراني

حتى هي نوات الخير في كاتب النظام و تمنات من غيري ما يكون واحد ثاني

قالتلك يا الدنيا خليلي ليا الحكام بلا ما نتفكر نعرف شكون أمير زماني

هاذي حياتي علاش عليكم هاذ التحتام حسو بيا بأفعالكم شعلتو نيراني

سكتت الدنيا و من سكوتها بكاو النيام قلنالها جاوبي رانا نتعذبو دخلاني

بالله عليك يا الدنيا تكلمي في هذا المقام إذا ما عندكش لسان نعطيك لساني

تكلمت الدنيا و قالت بعد شي أيام يوصلكم الوجاب و يوصل معاه عنواني

يا الدنيا أشعليلي شمعة في الظلام أرفقي بحالي و بحال العذرا اللي تهواني

عامين بحلاوتهم جازو كي المنام و نهار واحد مر بعذابو رشاني
تاريخ هذه المشاركة : 25-02-2013
مواضيع hasse2008 في جسور التواصل

samir_k
الانتساب : 22-04-2009
عدد المشاركات : 4,587
الله الله ... هذه هي متعة ابداع المحليين
و الله لو ان اللهجة مفهومة لغير الجزائريين لفعلت القصيدة ما فعلت في من يتذوقون الشعر ...

الجميل عند كُتاب الشعر الملحون أنهم يثيرون الشجون و يلعبون على وتر المشاعر ...
أشكرك على الانتقاء أخي حاس ...
دمت وفيا للجسور
تاريخ هذه المشاركة : 27-02-2013
مواضيع samir_k في جسور التواصل

القلب الجريح
الانتساب : 27-06-2011
عدد المشاركات : 13
بالله عليك يا الدنيا تكلمي في هذا المقام إذا ما عندكش لسان نعطيك لساني
ومن يستطيع قول هده الكلمات الا من غاص في اعماق الحب وجرفته المشاعر تاركا نفسه اياها
شكرا على هدا الاختيار الدامي للقلوب والدي فعل فعلته فينا شكرا و يبدوا هدا من رقة مشاعرك و مستواك العاطفي الراقي
شكرررررررررررررا
تاريخ هذه المشاركة : 27-02-2013

hasse2008
الانتساب : 27-05-2012
عدد المشاركات : 106
شكرا سمير, شكرا القلب الجريح
مروركم ينير الجسور
تاريخ هذه المشاركة : 27-02-2013
مواضيع hasse2008 في جسور التواصل

سراب
الانتساب : 14-04-2011
عدد المشاركات : 1,315
كلمات في قمة الروعة
ذوق راقي جدا يا هاص
كن دائما هنا 88:
تاريخ هذه المشاركة : 03-03-2013
مواضيع سراب في جسور التواصل


الرسالة: