كيف يتعاطى السوريون مع الأنباء عن قرب ضربة ضد نظام الأسد ردا على مجزرة الغوطة؟
في ظل احتمال كبير بقرب توجيه ضربة غربية ضد نظام الأسد في سوريا، تجولت كاميرا أخبار الآن في شوارع الغوطة الشرقية بريف دمشق واستطلعت آراء المواطنين حول كيفية استعداداتهم
وفي حلب جالت كاميرا الأخبار وسألت المواطنين حول رأيهم فيما يحصل وسيحصل. فقال بعضهم إن الضربة ستعزز قدرة الجيش الحر على الانتشار في باقي المناطق السورية .
قال أحد المواطنيين السوريين انه مع الضربة " لان النظام هم يقتل الشعب عم يضرب الشعب شعب بريئ ما الو علاقة اشو ذنب الشعب عمال بيضربو بصواريخ سكود ايش دخل الشعب بالشام وبالغوطة ضربهم عشرين صاروخ كيماوي مانن صاروخ أو صاروخين الاف القتلى يعني بنتمنى يضربو بشار
وقال آخر "طبعا مع الضربة لانو نظام اظلم من هيك مافي, اكتر من الكيماوي مافي طبعا نحنا مع الضربة الامريكية وان شاء الله نتمنى بس يكون ضربات محدودة للنظام وما نتمنى يروح اي مدني بسوريا لانو نحنا طلعنا ضد الظلم"
وعبر مواطن آخر عن رأيه قائلا: "الضربة لازم تكون باماكن حساسة للنظام بحيث ما تستهدف المدنيين مايستهدف شي مادي البنى التحتية تدمر, يعني نقط حساسة بشكل منظم بضربات حساسة للنظام موجعة تكون, طبعا انا مع الضربة مو شرط أميركا تكون اي دولة غربية لكن بشي يستهدف النظام بنقاط حساسة"
فيما قال أحدهم " طبعا نحنا اكيد مع القصف, قصف النظام.. قصف النظام راح يخلي الثوار يتقدمو هي اول شي, تاني شي انو القصف راح يشكل شي انو النظام هوني انو راح يتعامل معو المجتمع الدولي كمجرم حرب وهو بالتاكيد ما راح يتعاملو مع النظام بالمستقبل , يعني يعتبر سقط بهي الضربة"
وعبر آخر عن رأيه قائلا: " نحنا طبعا مع القصف لانو الجريمة الي ارتكبها النظام اخر شي بالغوطة يعني جريمة كبيرة ولازم يدفع تمنها ونحنا نايد الدخول العسكري ولكن ضربات جوية نحنا مابنريد يصير زحف أو مشاة أو كذا"