🌹 منتديات جسور التواصل 🌹 تجمع عربي للنقاش الجاد وتبادل المعارف والآراء

الشعر و الأدب العربي انت ف وطن ديمقـــــــراطي

احمد محمد احمد
الانتساب : 01-09-2010
عدد المشاركات : 123
انت ف وطن ديمقـــــــراطي
طاطي راسك طاطي طــــاطي
انت ف وطن ديمقراطـــــــي
انت بتنـــعــــم بالحــــــــــرية
بس بشرط تكون مطاطــــــي

لما تكون شغــال بذمــــــــــة
خايف على مصــلحة الأمــة
شغلك يطلع من غير لازمــة
علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي

لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي
طاطي راسك طاطي طاطـــي
انت ف وطن ديمـــــقراطي

لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي

لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
انت ف وطن ديمقراطــــــي

لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
انت ف وطن ديمقـــــــراطي*
*
لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
انت ف وطن ديمقراطــــــي
انت ف وطن ديمقراطـــــــي

تاريخ هذه المشاركة : 03-09-2010
مواضيع احمد محمد احمد في جسور التواصل

شجون
الانتساب : 07-07-2009
عدد المشاركات : 843
هي حلوة جدا و بتعبر عن الوضع الحالي
بس انا شايفة ان فيها جرءة زيادة
يعني ممكن تزعل ناس كتير منك ::hhjh:
فى امان الله
تاريخ هذه المشاركة : 03-09-2010
مواضيع شجون في جسور التواصل

نجوى كرم
الانتساب : 01-05-2013
عدد المشاركات : 5,471
شكرا جزيلا لكم
تاريخ هذه المشاركة : 19-08-2018

عاشقة نانسي عجرم
الانتساب : 05-03-2013
عدد المشاركات : 311
بارك الله فيك
دام عطاؤك في جسور التواصل
تاريخ هذه المشاركة : 19-08-2018


الرسالة: