السلام عليكم ورحمة الله وبركاته..
اليوم اول مشاركه لي بالمنتدى وحبيت يكون اول كتاباتي عن شي كان بخااطري من زمان ..
بتكلم عن شخص غير كل الناس شخص كبير بعيني وبعيون كل الناس شخص اعتبره قدوتي بالتعامل
والآخلاق وبكل آمور الحياة ..
شخص فتحت عيني على الدنيا وهو جنبي الله لا يحرمني منه عطاني حنانه وإهتمامه وحبه ورعايته
كنت طفله وغمرني برعايته وإهتمامه مابخل علي بيوم "بآحلام الطفوله" واللي هي كانت الآلعاب
والحلويات غرس فيني عادات حلوه ومن هالعادات بما انه بشهر رمضان كان يحاول ينسيني جوعي
يطلعني اتمشى العصر لين قبل آذان المغرب فتره قصيره وكبرت على هالعاده لين يومي هذا، وكبرت
كل يوم اكبر فيه كان معي وجنبي لين وصلت مرحله المراهقه وبهالفتره عطاني
جرعات كبيره من الحب والإحترام والثقه تعامل معي أني كبيره ومسوؤله عن تصرفاتي بس قبل كل ذا
عملني الصح والغلط ووجهني وإن شاء الله إني كنت قد الثقه اللي عطاني،وقف معي بمراحلي الدراسيه
كله واذكر اني تعبته معي بثاني ثانوي بعد قلبي لكن تعامل معي بشكل راقي واسلوب خيال
عديت هالمرحله وحمدلله بسلام وراحه وأنا رافعه راسي والله يقدرني ويشوفني متخرجه من الجامعه
ورافعه راسه،ولو اقعد اتكلم عنه من اليوم لين بكرا اعجز وتخلص الكلمات اللي واصف حياتي معه.
" يبـــه " اتمنى اني ما قصرت معك بشي والله يقدرني على برك يارب ..