من هنا و هناك الرمــــز الغريب؟؟
الصورة هذي تعكس فلسفة صينيه قديمه.. فلسفة التناقض!
[IMG]https://moleculo.net/wp-*******/uploads/2008/09/yinyang1.jpg[/IMG]
الفلسفة الصينية هذي تقول ان الحياة قائمة على ظاهرة كونية.. و هي ظاهرة “الأضداد”!
لكل شيء في الكون (حسب الفلسلفة الصينية) نقيض يكمله!
لو تلاحظون الدائرة في الصورة مقسومة لجزئين متساويين تماما.. حالك و مضيء!
ليل و نهار.. برد و حر.. قوة و ضعف.. ولد و بنت.. موت و حياة.. الخ.
طبعا الصينيين يرفضون اسقاط امثلة مثل (إله و شيطان.. أو.. خير و شر) على Yin و Yang.. لأنهم يقدسون هالشعار.. و يربؤن به عن ان يمثل بالشيطان أو بالشر..
هالنظرية الفلسفية هذي صحيحه بنظري لكن الى حد ما.. قد يكون الكون قائم على التناقض.. و على وجود الاضداد و تكاملها.. لكن هذا ما يعني أبدا.. ان الكون ثنائي التوجه!
البشر “بفطرتهم” يميلون لمثل هالتفسيرات للكون.. لأنها تفسيرات “بسيطه” و مُقنعه!
تحسسهم بإنهم فاهمين سر الحياة.. و بالتالي تحسسهم بالأمان..
لكن البسطاء من الناس.. أحاديي النظرة.. محدودي التفكير.. يسقطون كل ماهو مُقنع.. على كل امور حياتهم!
تقييمهم لمن حولهم و لما حولهم.. هو تقيم ثنائي.. أبيض أو أسود!
الناس بنظرهم.. صادق و كاذب، طيب و شرير، مؤمن و كافر، أمين و خائن.. الخ..
و هالشي غير صحيح أبدا.. لازم نتحرر من هالنظرة السطحية.. البشر خليط من كل شي..
حتى الفكر صار أحادي التوجه.. ثنائي الاستقراء.. ان لم تكن معي فانت ضدي..!
مو لازم نقيضين بس يكملون بعض!
ممكن ثلاثة.. ممكن أربعة.. ممكن ألف!
الدائرة و المربع و المثلث.. ثلاثة.. (بواسطة هالأشكال الهندسية ممكن نرسم أي شكل هندسي آخر)..
الشمال و الجنوب و الشرق و الغرب.. أربعة.. (الاتجاهات في عالم ثنائي الابعاد)
الأبيض و الأسود و الأحمر و الأزرق و الأخضر.. خمسة.. (من هالألون ممكن نستخرج أي لون آخر)
و غيره.. و غيره.. الخ..
عشان كذا.. أنا قررت أسس فلسفلة جديدة.. و أمحي بها هالفلسفلة الصينية الماصلة..
الحياة مو لازم تكون Yin و Yang بس..
الحياة فيها.. Yin و Yang… و عبدالحميد! (مين عبدالحميد ده؟ )
ابسمي هالنظرية.. نظرية عبدالرزّاق..
.
.
.
.
.
بعيدا عن هالموضوع..
اليوم بعد الفطور.. و انا جالس احتري ابو جعفر المنصور.. جاني اتصال متكرفور (كلمة جديدة لَنج! ، لزوم السجع)..
.
- Ello (حنا يا الانجليز ما ننطق الهيتش اذا صارت بأول الكلمة)
- السلام عليكم..
- و عليكم السلام و رحمة الله.. هلا أخوي؟
- دكتور مولي؟
- سم معك..
- أنا (فلان)، أخذت رقمك من (أبو فلان).. أتمنى ما أكون أزعجتك..
(فلان هو شاب صغير لكن اسم اعلامي معروف في مجال التقنية، و كاتب انترتي مشهور جدا، و قبل كذا مقدم برامج.. عرفته على طول)
- لا أبد أخوي.. حياك الله!
- أنا متصل على أمل أرتب معك لقاء في لندن، انا متواجد في لندن هالايام.
- ايه ليش لأ أتشرف.. بس لو تعذرني أنا جدولي شوي مزحوم هالليومين..
- ابد على راحتك دكتور.. انا مطول هنا..
- لا ابد ما عليك، راح أشيك اجندتي.. و بحول الله قريب جدا بنلتقي..
- مشكور ما قصرت..
- بس متى تبي نلتقي انت شايف ما نفطر الا ثمان بالليل!
- وش رايك نفطر سوا؟
- شكلك هذا أول رمضان لك بدون شوربة..
و تحس انك وحيد و كئيب على الفطور بدون السمبوسه و تبي أحد يوقف معاك؟!
- لا بلعكس.. انا جايب معي فيمتو بعد من السعودية!
- ابد أخوي.. نشوفك على خير ان شاء الله..
- شكرا دكتور.. سلام
- سلام..
.
أول ما صكيت التليفون.. خطر على بالي سؤال.. و أبيكم تساعدوني أتوصل لإجابة دقيقه..
الشاب العزيز اللي اتصل.. و غيره من الشباب اللي تعاملت معهم في عمل أو دراسة بعيدا عن الانترنت.. و اللي تفاجأت من فترة ان بعضهم يكتب عن شخصيتي الحقيقيه في الانترنت و اني بمثابة Role model بالنسبة لهم..
لو دروا عن موليكيلو.. و خرابيطي في موليكيلو.نت .. قد ايش بيقلل هالشي من نظرتهم لي؟!
هل أبظل Role model؟
احتري آراؤكم..
.
السلام عليكم///كيف حالكم يا أحبائي الكرام ///
المهم بس.. كيف رمضان معكم؟
و الله يا (عيال قريّة) طلع مقلب.. على قولة فصولة يا حبي له بعد ما شاف دعايتهم:
“هذولي مو عيال قرية.. هذولي عيال الدجاجه.. والله شوفوهم زي الصوص“!
والله حكيم و محنك هالفيصل.. انا اشهد.. طلعوا عيال دجاجه صز!
بس ياحبي للطويان لامنه تكلم بالشمالي.. يا حبي للشمال و أهله!
إلا على طاري الصينيين.. اللي يحبون التشاينيز و الجابانيز.. اذا جيتوا لندن.. بوه مطعم اسمه Koi!
ل ا ي ف و ت ك م .. و بس!
شوكرن
[IMG]https://moleculo.net/wp-*******/uploads/2008/09/7modi.jpg[/IMG]
هذا الموضوع منقول من منتدى آخر
Reed_s
منتديات جسور التواصل