هو -ايوة يا حبيبتى امال خيالى .. انتى مش شايفة اسمى اون لاين ؟ يبقى انا جيت ..ده سؤال يا سوسو ؟
هي _آسفة يا حبيبي .. اصل فرحتى بظهورك طيرت عقلى
ها ...قوللى بقى
عملت ايه امبارح اما خرجت انا اوف لاين ؟
هو_معملتش حاجة ابدا ... قعدت فى رووم اسمع اغانى ..
هي_ آه , واظن الست دلوعة كانت موجودة ..
هو_وحياتك كانت موجودة بس عملتلها بلوك ..
هي_ممممم
يعنى مكلمتهاش
هو_لا .
هي_ولا حتى هاى .
هو_لا هى سلمت عليا فى الرووم قبل ما اعمللها بلوك و انا قلتلها برب
هي_اها
طب كويس
يا ريت تعمللها ديليت خالص من الليست
هو_عينيه يا حبيبتى انتى تؤمرينى بس
الجزء التانى
هو_أخيرا يا حبيبتى اتجوزنا و اتقفلت علينا رووم واحدة
هي_ايوة يا حبيبى أخيرا
بس مال الصوت بيقطع هنا ليه ؟
هو_يا ستى واحنا هانعوز الصوت فى ايه
_اعملى ميوت
هي_ههههههههه
على رأيك...
هو_باقوللك ايه ؟
هي_ها
هو_عملتى باس وورد للروم , احسن نلاقى الناس جاية
هي_اطمن عملت باس وورد طبعا و لا يهمك
بعدين انت بقيت آدمن البيت
يعنى اى حد مش على مزاجك
باند على طول
يوم الطلاق
هو_انتى يا ولية ..
ولية
هي_أنا ولية ..
انت ناسى أد ايه حفيت عليا فى الروومات و الماسينجرات ؟
ان كنت ناسى افكرك
هو_كان يوم اسود ياختى يوم ما عملتلك آد "add"
يا ريتنى كنت برب"brb" و لا ديس كونيكت مكنتش شفت خلقتك
هي_نعم نعم
مالها خلقتى .. مش كنت بتموت عشان تشوفنى على الكام
وكل شوية تقوللى فين كامك
هو_كنت أعمى و أضبش و أطرش .. ارتحتى
هي_يا خاين يا غدار
يخونك اللى بيننا؟
ده احنا بيننا روومات و هىء ومىء و دوت و كوم
يخونك الإنفيتات اللى كنت بابعتهالك عشان تبقى جنبى فى الروومات
خلاص نسيت الإيميلات و السهرات
انت أكيد فى مخك فيروس عاوزلك فورمات
بقى يرضيكم ياهووووووووو
ياخدنى أون لاين
يرمينى أوف لاين
منك لله
من النهاردة انت إنفيزيبل فى حياتى
هو_وانتى ريموف بالتلاته
دا يمكن اللى كتبها عايز يضك ويهزر
كتبها علشان يضحكنا
بس الحقيقه دا بيحصل فعلا مع ناس كتير
والبنات بتصدق وتعيش قصه فاكرة انها ملك الدنيا باديها وهو دا فارس احلمها
ويطلع فى الحقيقه واحد عايز يتسلى ويقول احلى كلام ويعيش الاوهام والبنت تحلم معاه
وفى اول فرصه
يقولها باى ياقلبى وقت معايا خلص
طبعا تلقيه اتعرف على واحدة جديدة عايز يفضلها زى معمل مع اللى قبلك
اختى الغاليه
ارجوكى
قبل ما تخدى اى قرار فى موضوع زى دا فكرى كويس مرة واتنين وتلاته
دخلى ربنا فى الموضوع
علشان اول واحدة هتنجرح هو انتى
ومش هتثقى فى اى حد بعد كدا
وفى الاخر خلى بالك من نفسك
لان الذئاب بتجى فى صورة الحملان
ربنا معانا ويحفظنا