واحده ست كان عندها كلب كانت بتحبه قوى
وفى يوم جوزها جالوا اعاره لبلد عربى فمعرفتش تسفر الكلب بتعها فسابته مع اخوها
بعد ماسافرت كانت كل اسبوع بتتصل تطمن على الكلب
المهم الكلب مات فاخوها اتصل بيها وقالها على اللى حصل
راحت اخته اغمى عليها و جالها اكتئاب بعدها و مكنتش بتكلم حد بعديها خالص
فجوزها اتصل باخوها قال له انت ازاى تقول لها كده مره واحده كنت تقولها واحده واحده
يعنى مره الكلب نزل يلعب فى الشارع و مره الكلب خبطته عربيه و مره الكلب فى المستشفى و حالته خطيره
وفى الاخر الكلب مات !!
راح اخوها قاله حاضر لو حصل حاجه بعد كده حاخذ بالى
بعد اسبوعيين اخوها اتصل بجوزها وقاله أمك نزلت تلعب فى الشارع