🌹 منتديات جسور التواصل 🌹 تجمع عربي للنقاش الجاد وتبادل المعارف والآراء

الشعر و الأدب العربي خلاص "ابرتاح" غادر والسعد "فالك"

مريم
الانتساب : 27-04-2009
عدد المشاركات : 2,378

خلاص ابرتاح غادر والسعد فالك
من حضرتك لاجل تقلب لي موازيني


من اي كوكب نزلت وشايفن حالـك
من حضرتك لااجل تتعبني وتشقيني


مليت جرحـك وتبريـرك وموالـك
تخطي وترجع تعتذر لااجل ترضيني


ان كان جرح القلوب البيض يهنا لك
يموت حبـك ولا تنـزف شرايينـي


يموت قلبي ضما واموت انا هالـك
ولااشرب الـذل بيدينـك وتسقينـي


غرورك اعماك تحلم تبني آمالـك
نهايتك جات بيـدك قبـل تنهينـي


والله لانته ولاعشره مـن امثالـك
تخضع له النفس ويفكـر يمشينـي


في واقع الأمر ماني باصغر عيالك
ربانـي الوقـت لاتحلـم تربينـي


غلاك مات ابتعد وافراقك اشوالـك
لاترتجي الدمع واحـذر لاتعزينـي

ماينزل الدمع لأمثالـك و لأشكالـك
اصلاَ من تكون حتى تفقدك عينـي


لاعاد تحلم يجـي رقمـي بجوالـك
والله مااخضع ولو ترقص شياطيني


خسرت نفسك ومضنونك وتمثالـك
خسارتك للاسـف ماعـاد تعنينـي
تاريخ هذه المشاركة : 26-05-2009
مواضيع مريم في جسور التواصل


الرسالة: