🌹 منتديات جسور التواصل 🌹 تجمع عربي للنقاش الجاد وتبادل المعارف والآراء

الشعر و الأدب العربي يا زريف الطول وين مهاجر وين

سليم
الانتساب : 23-04-2009
عدد المشاركات : 3,177

يا زريف الطول وقف تفقلك
ورايح عالغربه وبلادك احسنلك
خايف يالمحبوب تروح وتتملك
وتعاشر الغير وتنساني انا

يا زريف الطول يا سن الضحوك
يلي رابي بدلال امك وابوك
يا زريف الطول يومن غربوك
شعر راسي شاب وضهيري انحنا

يا زريف الطول وين مهاجر وين
نتمنى من الله ترجعلنا هين

يا زريف الطول متغرب عن القوم
لا تبعد عنا وتحط علينا اللوم

ان شاء الله بترجع بنرجع عالكروم
نحصد القمحات ونجمع زرعنا

يا زريف الطول وغايب عن الاوطان
وفراقك عنا ملا القلب احزان
وارجع لامك وارجع للاوطان
ما تلقى الحنيه غير في بلادنا

يا زريف الطول حلو يا دلوع
واللي يطيح البير يحسب للطلوع
واحنا اتفرقنا وعلى الله الرجوع
والمفرق والمجمع ربنـــــــــا

يا زريف الطول ومالي ومالكم
وابتليتوا بالهوى ويش حالكم
وان كان عشرة غيرنا طابت ليكم
خبرونا تندبر حالنـــــــا
تاريخ هذه المشاركة : 12-06-2009
مواضيع سليم في جسور التواصل


الرسالة: