من هنا و هناك الواحد الاحد للشيخ الدكتور عائض القرني
الواحد الأحد
د. عائض القرني
لا إله إلا الله ابدى بهـا حـق وصـوابْ *** كلمةٍ مـن عالـم الغيـب ربَّـك جابهـا
لا إله إلا الله فضّاضة الصخـر الصّـلابْ *** أحمـد المختـار للخلـد يسبقنـا بـهـا
ولا إله إلا الله الريح تشهـد والسحـابْ *** والجبـال الراسيـة كلهـا وهضابـهـا
ولا إله إلا الله أكبر سؤال أعظم جـوابْ *** الرعـود أصواتهـا والبـروق أثوابـهـا
ولا إلـه إلا الله القاهـر الفـرد المهـابْ *** جابر العثرات معطـي الكنـوز أصحابهـا
ولا إله إلا الله أول كلام أصـدق متـابْ *** الحكـم فـي سرهـا والهـدى باهادبهـا
ولا إله إلا الله تخضع لهـا كـل الرّقـابْ *** حظ والله من حملهـا وجـا يسعـى بهـا
ولا إله إلا الله ترجـح بميـزان الثـوابْ *** بالسمـا والأرض باحجارهـا واترابـهـا
ولا إله إلا الله حصن من الشرك الكـذابْ *** ما تمس النـار مـن جـاه فـي جلبابهـا
ولا إله إلا الله ذخر الولي يـوم الحسـابْ *** يوم تدنو الشمس والكرب بعض أسبابهـا
ولا إله إلا الله أجمل خبر وأكمـل نصـابْ *** تشرح الخاطر وهـي مفـزعٍ لذنـا بهـا
ولا إله إلا الله ننسج بها حسـن الثيـابْ *** هي نشيـد المجـد والنـور مـن محرابهـا
ولا إله إلا الله فك الرّهَن عتـق الرقـابْ *** طهـرة للخلـق باحسابهـا وانسابـهـا
ولا إله إلا الله يفتـح لهـا سبعيـن بـابْ *** كل بابٍ فـاح مـن عودهـا واطيابهـا
ولا إله إلا الله لو نزلت فـي الصخـر ذابْ *** هي سـلاح الجنـد وسيوفهـا واحرابهـا
ولا إله إلا الله خذها معك وقت الذهـابْ *** جنّة الفردوس ويـن انـت يـا طلاّبهـا؟
يا الله يا غفار سهّل لنـا كـل الصعـابْ *** فكّنـا مـن كربـة مظلـمٍ سردابـهـا
ما لنا غيرك مـلاذٍ ولا دونـك حجـابْ *** يرتجيـك الخلـق عدوانهـا واحبابـهـا
فالق الإصباح باني السما مرسي الهضـابْ *** عالـم الأسـرار هـازم جميـع أحزابهـا
محيي الميت مبيد الجيـوش أهـل الخـرابْ *** كاسـر الجبـار جابـر كسيـر أطنابهـا
مغني المحتاج مشبع هـل المخلـب ونـابْ *** مروي الظامـي مفـرّج جميـع اكرابهـا
حي يا قيوم أنا باسألـك بـام الكتـابْ *** حاجةٍ في كامن القلب وانـت ادرى بهـا
اعفّ عنا يا مجيـر النبـي مـن العـذابْ *** واعف عن أمة محمـد فهـو وصّـى بهـا
أنا عبدك وانت بالخيـر تبـدا والثـوابْ *** رحمتـك تسبـق عذابـك تبشرنـا بهـا
اسألك باسمك ووجهي لمجدك فـي التـرابْ *** الملـوك بجندهـا سلّـمـت بارقابـهـا
انت يا رحمن من رحمتك كشـف العـذابْ *** التجينا بـك وغيـرك نصـب حجابهـا
السلاطيـن المهابـه هبـاب فـي هبـابْ *** كلهم في قبضتـك لـو علـت باشنابهـا
ما عليه من البشر لو بنت فوق السحـابْ *** دود فقرٍ يحطـم المـوت ركـن اقبابهـا
نسألك باسمايك الغر، والوصـف المهـابْ *** بالفواتـح والخواتيـم كـم نقـرا بـهـا
نسألك بأحرف كتابٍ إيْ والله من كتـابْ *** بالسـور إيجازهـا بـاهـرٍ واسهابـهـا
بالطوال السبع في شرحها فصل الخطـابْ *** وسورة الإخلاص يـا ربنـا عذنـا بهـا
ونسألك بالاسم الأعظم وبه كشف المصابْ *** وآية الكرسي وكـم قلـبٍ اتهجّـى بهـا
تغفر الزلّـه وتفتـح لنـا للخلـد بـابْ *** واحمنـا مـن نـارك الموقـده واعقابهـا
والله إني بالخجل مثـل محمـوم مصـابْ *** جيت بالتقصير والذنـب نفسـي عابهـا
لكن إن العبد لا ما رجـع بعـد الغيـابْ *** يغتفر لـه شردتـه بعـد طـول اغيابهـا
من أنا حتى امدحه من تراب فـي تـرابْ *** جـوده الواسـع رفعنـي علـى مرقابهـا
اتوسل بالشهـادة وهـي راس الزهـابْ *** واعترف باذنـوب عبـدٍ وأنـا كسّابهـا
من شكر والا كفر ما يزيد الملـك نـابْ *** الله مستغنـي عـن الكـل هـو وهابهـا
الخليقـة فـي موازيـن تقديـره ذبـابْ *** والله ما تنقص مـن الملـك وزن اذبابهـا
كلهم ريشة بعوضه علـى نسمـة هبـابْ *** الله كم مـن جمجمـة حنّطـت باترابهـا
دمّر الاملاك واكنوزهـا صـارت نهـابْ *** زلـزل الباغيـن حـط الفنـا قصّابـهـا
الله كم فرعون حطّه علـى راس الحـرابْ *** الله كـم جبّـار دق الوتـد باطنابـهـا
الله كم من راس طاغوت جرّته الكـلابْ *** الله كم من دولة جـت ولا يُـدرى بهـا
الله كم من قايدٍ فـي البرايـا مـا يُهـابْ *** صـار زاد الـدود سلاّبـهـا وهّابـهـا
لا تقل هذا عظيـمٍ وذا حضـرة جنـابْ *** العظيـم الله يكفـي البشـر مـا صابهـا
كل ما تبصر من الباشوات أهـل القبـابْ *** مثـل دود القـز سـم الفنـا باثيابـهـا
من غباهم علّم الدفـن قابيـل الغـرابْ *** وانتـزى الهدهـد لبلقيـس فـي محرابهـا
وسد مأرب في سبا جدّ فاره في الخـرابْ *** ونامسه فـي راس نمـرود سـال العابهـا
شف ثمود البغي ماتوا بناقـه فـي شـرابْ *** وغـار ثـورٍ بالحمامـه يـرد اعرابـهـا
وقوم نوحٍ كالضفـادع بطوفـانٍ عبـابْ *** وصار قوم شعيب مثل الجيـف باشعابهـا
كلهم عبد الطمع يـا ذيـابٍ فـي ثيـابْ *** كشّـرت بانيابهـا واحتمـى مخلابـهـا
لا ترجّاهم تراهـم سـراب فـي سـرابْ *** فـوض أمـرك للمهيمـن يفتّـح بابهـا
وش بقي من مال قارون وأصحاب العيابْ *** زرْ مقابرهم ترى البـوم قـد غنّـى بهـا
د. عائض القرني
لا إله إلا الله ابدى بهـا حـق وصـوابْ *** كلمةٍ مـن عالـم الغيـب ربَّـك جابهـا
لا إله إلا الله فضّاضة الصخـر الصّـلابْ *** أحمـد المختـار للخلـد يسبقنـا بـهـا
ولا إله إلا الله الريح تشهـد والسحـابْ *** والجبـال الراسيـة كلهـا وهضابـهـا
ولا إله إلا الله أكبر سؤال أعظم جـوابْ *** الرعـود أصواتهـا والبـروق أثوابـهـا
ولا إلـه إلا الله القاهـر الفـرد المهـابْ *** جابر العثرات معطـي الكنـوز أصحابهـا
ولا إله إلا الله أول كلام أصـدق متـابْ *** الحكـم فـي سرهـا والهـدى باهادبهـا
ولا إله إلا الله تخضع لهـا كـل الرّقـابْ *** حظ والله من حملهـا وجـا يسعـى بهـا
ولا إله إلا الله ترجـح بميـزان الثـوابْ *** بالسمـا والأرض باحجارهـا واترابـهـا
ولا إله إلا الله حصن من الشرك الكـذابْ *** ما تمس النـار مـن جـاه فـي جلبابهـا
ولا إله إلا الله ذخر الولي يـوم الحسـابْ *** يوم تدنو الشمس والكرب بعض أسبابهـا
ولا إله إلا الله أجمل خبر وأكمـل نصـابْ *** تشرح الخاطر وهـي مفـزعٍ لذنـا بهـا
ولا إله إلا الله ننسج بها حسـن الثيـابْ *** هي نشيـد المجـد والنـور مـن محرابهـا
ولا إله إلا الله فك الرّهَن عتـق الرقـابْ *** طهـرة للخلـق باحسابهـا وانسابـهـا
ولا إله إلا الله يفتـح لهـا سبعيـن بـابْ *** كل بابٍ فـاح مـن عودهـا واطيابهـا
ولا إله إلا الله لو نزلت فـي الصخـر ذابْ *** هي سـلاح الجنـد وسيوفهـا واحرابهـا
ولا إله إلا الله خذها معك وقت الذهـابْ *** جنّة الفردوس ويـن انـت يـا طلاّبهـا؟
يا الله يا غفار سهّل لنـا كـل الصعـابْ *** فكّنـا مـن كربـة مظلـمٍ سردابـهـا
ما لنا غيرك مـلاذٍ ولا دونـك حجـابْ *** يرتجيـك الخلـق عدوانهـا واحبابـهـا
فالق الإصباح باني السما مرسي الهضـابْ *** عالـم الأسـرار هـازم جميـع أحزابهـا
محيي الميت مبيد الجيـوش أهـل الخـرابْ *** كاسـر الجبـار جابـر كسيـر أطنابهـا
مغني المحتاج مشبع هـل المخلـب ونـابْ *** مروي الظامـي مفـرّج جميـع اكرابهـا
حي يا قيوم أنا باسألـك بـام الكتـابْ *** حاجةٍ في كامن القلب وانـت ادرى بهـا
اعفّ عنا يا مجيـر النبـي مـن العـذابْ *** واعف عن أمة محمـد فهـو وصّـى بهـا
أنا عبدك وانت بالخيـر تبـدا والثـوابْ *** رحمتـك تسبـق عذابـك تبشرنـا بهـا
اسألك باسمك ووجهي لمجدك فـي التـرابْ *** الملـوك بجندهـا سلّـمـت بارقابـهـا
انت يا رحمن من رحمتك كشـف العـذابْ *** التجينا بـك وغيـرك نصـب حجابهـا
السلاطيـن المهابـه هبـاب فـي هبـابْ *** كلهم في قبضتـك لـو علـت باشنابهـا
ما عليه من البشر لو بنت فوق السحـابْ *** دود فقرٍ يحطـم المـوت ركـن اقبابهـا
نسألك باسمايك الغر، والوصـف المهـابْ *** بالفواتـح والخواتيـم كـم نقـرا بـهـا
نسألك بأحرف كتابٍ إيْ والله من كتـابْ *** بالسـور إيجازهـا بـاهـرٍ واسهابـهـا
بالطوال السبع في شرحها فصل الخطـابْ *** وسورة الإخلاص يـا ربنـا عذنـا بهـا
ونسألك بالاسم الأعظم وبه كشف المصابْ *** وآية الكرسي وكـم قلـبٍ اتهجّـى بهـا
تغفر الزلّـه وتفتـح لنـا للخلـد بـابْ *** واحمنـا مـن نـارك الموقـده واعقابهـا
والله إني بالخجل مثـل محمـوم مصـابْ *** جيت بالتقصير والذنـب نفسـي عابهـا
لكن إن العبد لا ما رجـع بعـد الغيـابْ *** يغتفر لـه شردتـه بعـد طـول اغيابهـا
من أنا حتى امدحه من تراب فـي تـرابْ *** جـوده الواسـع رفعنـي علـى مرقابهـا
اتوسل بالشهـادة وهـي راس الزهـابْ *** واعترف باذنـوب عبـدٍ وأنـا كسّابهـا
من شكر والا كفر ما يزيد الملـك نـابْ *** الله مستغنـي عـن الكـل هـو وهابهـا
الخليقـة فـي موازيـن تقديـره ذبـابْ *** والله ما تنقص مـن الملـك وزن اذبابهـا
كلهم ريشة بعوضه علـى نسمـة هبـابْ *** الله كم مـن جمجمـة حنّطـت باترابهـا
دمّر الاملاك واكنوزهـا صـارت نهـابْ *** زلـزل الباغيـن حـط الفنـا قصّابـهـا
الله كم فرعون حطّه علـى راس الحـرابْ *** الله كـم جبّـار دق الوتـد باطنابـهـا
الله كم من راس طاغوت جرّته الكـلابْ *** الله كم من دولة جـت ولا يُـدرى بهـا
الله كم من قايدٍ فـي البرايـا مـا يُهـابْ *** صـار زاد الـدود سلاّبـهـا وهّابـهـا
لا تقل هذا عظيـمٍ وذا حضـرة جنـابْ *** العظيـم الله يكفـي البشـر مـا صابهـا
كل ما تبصر من الباشوات أهـل القبـابْ *** مثـل دود القـز سـم الفنـا باثيابـهـا
من غباهم علّم الدفـن قابيـل الغـرابْ *** وانتـزى الهدهـد لبلقيـس فـي محرابهـا
وسد مأرب في سبا جدّ فاره في الخـرابْ *** ونامسه فـي راس نمـرود سـال العابهـا
شف ثمود البغي ماتوا بناقـه فـي شـرابْ *** وغـار ثـورٍ بالحمامـه يـرد اعرابـهـا
وقوم نوحٍ كالضفـادع بطوفـانٍ عبـابْ *** وصار قوم شعيب مثل الجيـف باشعابهـا
كلهم عبد الطمع يـا ذيـابٍ فـي ثيـابْ *** كشّـرت بانيابهـا واحتمـى مخلابـهـا
لا ترجّاهم تراهـم سـراب فـي سـرابْ *** فـوض أمـرك للمهيمـن يفتّـح بابهـا
وش بقي من مال قارون وأصحاب العيابْ *** زرْ مقابرهم ترى البـوم قـد غنّـى بهـا